Myndir af Hamasliðum með þrjá gísla sína stillta upp. Heimild: Sky News, 8.2.2025
Hamas stendur í miklum áróðurshernaði þessa dagana. Í dag hefur þremur Ísraelsmönnum verið sleppt. Þeir eru: Eli Sharabi, 52 ára, eiginkona, dætur og bróðir myrt af Hamas; Ohad Ben Ami, 56 ára, eiginkonu hefur verið sleppt; og Or Levy, 34 ára, rænt af Supernova tónleikunum á sinum tíma af Hamas hryðjuverkagengi. Þá hefur Hamas sleppt samtals 21 gísl frá því að vopnahlé hófst 19. janúar sl. Á móti hefur Ísraelsstjórn sleppt 383 stríðsföngum og Hams segir að 183 föngum úr þeirra röðum verði sleppt í dag. Samkvæmt vopnahléssamkomulaginu á enn eftir að sleppa 33 gíslum og af þeim eru líkamsleifar átta sem létust í höndum Hamas.
Mynd af Eli Sharabi, 52 ára, Ohad Ben Ami, 56 og Or Levy, 34 ára. Heimild: Sky News, 8.2.2025
Meðlimir Hamas hafa umbreytt öllu þessu vopnahlésferli í e.k. ,,Freak Show“ þar sem gíslum er stillt upp með vopnaða Hamasliða allt um kring ásamt öskrandi hamaslýð og niðrandi áróðri, m.a. á hebresku, á spjöldum allt í kring.
Markmiðið er að hræða almenning heimavið og í Ísrael til hlýðni við sig, ,,heilla“ og ,,trilla“ erlenda stuðningsmenn sína, m.a. á Íslandi. Þeir vilja sýna að það sé Hamas sem stýrir Gaza. Hamasliðar klæðast nú herfatnaði. Þessi Hamas ,,hryðjuverkaher“ klæðist fötum sem almennir borgarar og dyljast þannig á meðal barna og annara borgara. Þannig ná þeir að hámarka manntjón meðal almennings og trilla staurblinda sakleysingja bæði á Gasa og erlendis. Enginn ,,lögmætur“ her herjar þá skv. alþjóðalögum nema þegar það hentar eins og í dag við þessar sýningar þeirra fyrir umheiminn. Þá er montklæðnaðurinn dreginn fram en dugurinn og manndómurunn ekki meiri en svo að þeir hylja andlit sín svo aftur megi dyljast á meðal almennings í næstu andrá.
Þetta kaupa sakleysingjar víða, þeir sem hafa ekki séð í gegnum falsið, ömurleikann, lævísina og lydduskapinn hjá Hamas. Á Íslandi má finna fólk sem klappar þetta Hamaslið upp og styður beint eða óbeint. Ætlum við að láta Hamas ná þessu ,,hástemda“ markmiði sínu? Nei!
Það þarf sterk bein, stöndug stjórnvöld, sem láta ekki blekkjast, og öfluga bandamenn sem í sameiningu fletta ofan af þesskonar hegðun fyrir fullt og allt. Hamas hefur fyrir löngu fyrirgert öllum sínum rétti á Gasa. Næsta skrefið er að taka þarna hressilega til. Þar mun ekki duga ,,Soffíu“ frænku úr Kardemommubænum, hins norska Thorbjørns Egners, til slíkra verka.
Allt þetta ,,Freak Show“ í boði Hamas, þar sem þeir og skríll þeirra er í fyrirrúmi, minnir óneitanlega á fjöldaaftökuhátíðarhöld Talibana á knattspyrnuvöllum í Afganistan.
Þessum Hamas-hryllingi verður að linna.
Heimildir: BBC news og Sky news